काठमाण्डु- अमेरिकी राष्ट्रपति डोनाल्ड ट्रम्पले बुधबार ७५ भन्दा बढी देशहरूमा ९० दिनको लागि पारस्परिक करहरू रोकेका छन् । उनले एक हप्ताभित्र आफ्नो निर्णय उल्टाउनुको कारण देशहरूसँगको नयाँ व्यापार वार्तालाई उल्लेख गरेका छन् ।

यद्यपि, उनीहरूले यो छुटमा चीनलाई समावेश गरेका छैनन्, बरू यसमा लाग्ने भन्सार १०४ प्रतिशतबाट बढाएर १२५ प्रतिशत पुर्‍याएका छन् । चीनले प्रतिशोधात्मक ८४ प्रतिशत कर लगाएपछि ट्रम्पले यो कदम चालेका हुन् ।

ट्रम्पले ट्रुथ सोसलमा लेखेका छन्, ’चीनले विश्व बजारको अनादर गरेको छ, त्यसैले म चीनमाथिको भन्सार कर १२५ प्रतिशतमा बढाउँदैछु । यो तुरुन्तै लागू हुनेछ ।’

ट्रम्पले भनका छन्, ‘७५ भन्दा बढी देशहरूले अमेरिकाका प्रतिनिधिहरूलाई बोलाएका छन् र यी देशहरूले मेरो कडा सुझावमा अमेरिकाविरुद्ध कुनै पनि हिसाबले बदला लिएका छैनन् । त्यसैले मैले ९० दिनको पज स्वीकार गरेको छु । भन्सार शुल्कमा यो विरामले नयाँ व्यापार सम्झौताहरूमा वार्ता गर्न समय प्रदान गर्नेछ ।’

ट्रम्पको कर लगाउने घोषणका कारण अमेरिकासहित विश्व बजारमा १० ट्रिलियन डलरको गिरावट आएको थियो । यद्यपि, भन्सार शुल्क रोक्ने निर्णयको केही घण्टाभित्रै अमेरिकी शेयर बजारको मूल्य ३.१ ट्रिलियन डलरले बढको थियो ।

ट्रम्पका धेरै नजिकका सल्लाहकारहरू र आफैँ एलोन मस्कले ट्यारिफ युद्ध रोक्न सल्लाह दिएका थिए । ट्रम्पको रिपब्लिकन पार्टीका नेताहरू पनि करको विरुद्धमा थिए ।

अमेरिकाले चीनबाट ४४० अर्ब डलर आयात गर्छ । यसले यसमा १२४ प्रतिशत कर लगाएको छ । चीनबाट उत्पादनहरू आयात गर्ने अमेरिकी कम्पनीहरूका लागि वैकल्पिक आपूर्तिकर्ताहरू खोज्नु अब ठूलो चुनौती बन्दै गएको छ । यस्तो अवस्थामा, यी कम्पनीहरूको आपूर्ति शृङ्खलाका लागि अन्य देशहरूमा कर लगाउनु आवश्यक थियो ।

बुधबार नै युरोपेली संघका २७ सदस्य राष्ट्रहरूले पनि २३ अर्ब डलर (१.८ लाख करोड रुपैयाँ) मूल्यका अमेरिकी उत्पादनहरूमा कर लगाउने प्रस्तावलाई अनुमोदन गरेका छन् । ईयुमा भन्सार दरहरू के हुने छन् भन्ने बारेमा कुनै स्पष्टता छैन ।

ट्रम्प प्रशासनले ९० दिनको विराम उनीहरूको रणनीतिको एक हिस्सा भएको दाबी गरेको छ । ट्रम्पले ७५ देशले सम्झौताको लागि अनुरोध गरेको दाबी गरेका थिए । अब उनले यी देशहरूसँग मोलमोलाई गर्न भन्सार प्रतिबन्धको यो अवधि प्रयोग गर्ने छन् ।