काठमाण्डु– नेपाल प्रिमियर लिग (एनपीएल)को १८औं खेलमा लगातार जित निकाल्दै आइरहेको जनकपुर बाेल्टसले लज्जासपद हार व्यहोर्‍याे ।

लिगमा ५औँ खेल खेलेको जनकपुरलाई सुदूरपश्चिम रोयल्सले ७२ रनले हरायो । सुदूरपश्चिमले दिएको १ सय २४ रनको लक्ष्य पछ्याएको जनकपुर १२.१ ओभरमा ५१ रन बनाउँदा अलआउट भयो।

बलिङमा राम्रै चलेको जनकपुर ब्याटिङमा भने जम्‍न सकेन । सुदूरपश्चिमको घातक बलिङसामु निरीह रहेको जनकपुरका लागि अलराउन्डर जोशुआ ट्रम्प बाहेक अरुले दोहोरो रन जोड्न सकेनन् । ट्रम्पले १२ वलमा जोडेको १३ रनले जनकपुरको इज्जत जोगाउन सकेन ।

जनकपुरका राम्रो चल्ने ब्याट्सम्यानहरू ललित राजवंसीले ९ वलमा ४ रन, आशिफ शेखले ५ वलमा ४ रन, लाहूरुले ७ वलमा ७ रन, हर्स थाकरले २ वलमा ५ रन, जेम्स निशामले ८ वलमा ३ रन बाहेक दोहोरो रन जोड्न सकेनन् ।

सुदुरपश्चिमले ५ खेलबाट ४ खेल जितेर ८ अंक जोडेको छ भने पराजित जनकपुरको पनि ५ खेलबाट ४ खेल जितेर ८ अंक जोडेको छ।

यो सँगै सुदुरपश्चिम शीर्ष र जनकपुर दोस्रो स्थानमा पुगेका छन् ।