एजेन्सी– अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ उनलाई भेटेका छन् ।
भेटका क्रममा दुई नेताले हात मिलाएपछि ट्रम्पले उत्तर कोरियाली भूमि टेकेका छन् ।

ट्रम्प उत्तर कोरियाली नेता किम जोङ–उनसँगै उत्तर कोरियाली भूमितर्फ हिँडेर गएका थिए । यो सँगै ट्रम्प उत्तर कोरियाली भूमि टेक्ने पहिलो अमेरिकी राष्ट्रपति बनेका छन् ।

उत्तर कोरियाली भूमि टेकेपछि ट्रम्प पुनः दक्षिण कोरिया फर्किएका थिए । त्यहाँ उनलाई दक्षिण कोरियाली राष्ट्रपति मून जे–इनले पर्खिरहेका थिए । ट्रम्पले यस भेटअघि शनिवार अकस्मात ट्वीट गर्दै किमलाई उत्तर कोरिया र दक्षिण कोरियाबीचको सिमाना छुट्टाउने भागमा भेट्ने प्रस्ताव राखेका थिए ।