काठमाण्डु– कीर्तिपुरस्थित टियू क्रिकेट मैदानको स्तरोन्नतिको काम तिव्र रुपमा अघि बढिरहेको छ ।  

१० हजार सिट क्षमताको प्यारापिट निर्माणको काम तीब्र गतिमा अघि बढेको हो ।

आज विहान उपप्रधान तथा शहरी विकासमन्त्री प्रकाशमान सिंह र युवा तथा खेलकुदमन्त्री तेजुलाल चौधरीले क्रिकेट मैदानका अवलोकन गर्दै तीब्र गतिमा काम अगाडि बढिरहेको बताए ।

बैशाख २४ गते कन्ट्रयाक सम्पन्न गराउने लक्ष्य रहेको र काम सम्पन्न गर्नको लागि तीन सिफ्टमा गरिरहेको खेलकुदमन्त्री चौधरीले जानकारी दिए । उनले मुलपानी क्रिकेट मैदानको विकासको लागि पनि अर्थ मन्त्रालयसँग समन्वय भइरहेको बताए ।