काठमाण्डु– त्रिभुवन विश्वविद्यालयले समय सीमा कटेर परीक्षा दिन नपाएका विद्यार्थीका लागि यस पटक परीक्षा दिन पाउने मौका दिएको छ ।

त्रिविले मङ्गलवार एक सूचना जारी गर्दै वार्षिक परीक्षा प्रणाली अन्तर्गत २०५८ देखि र सेमेष्टर प्रणाली अन्तर्गत २०६९ देखिको समयसीमा कटेका विद्यार्थी ले मौका परीक्षा दिन पाउने भएको जानकारी दिएको हो।

असोज ७ गते बसेको त्रिवि परीक्षा सुधार समितिको बैठकले उक्त निर्णय गरेको थियो । यस्तै एआई (आर्टिफिसियल इन्टेलिजेन्सी)को प्रयोग गरेको पाइएमा परीक्षा रद्द गर्ने निर्णय समेत बैठकले गरेको छ ।

त्रिविबाट सञ्चालन हुने जुनसुकै तहको परीक्षामा एआई प्रयोग गरिएको भेटिएमा परीक्षा रद्द हुने छ ।हाल परीक्षाफलमा मोबाइल फोन तथा इलेक्ट्रिोनिक डिभाइसहरू लैजान प्रतिबन्ध छ ।

तरपनि कतिपय ठाउँमा धेरै विद्यार्थीको एउटै उत्तर भेटिने, एआईको प्रयोग गरे उत्तर लेख्ने गरेको पाइएको छ । यसका लागि विश्वविद्यालयले आधिकारिक रूपमा नै डिस्करेज गर्न आह्वान गरेको छ ।