काठमाण्डु – नेपालको लागि टिभिएस टू–ह्वीलर्सको आधिकारिक वितरक जगदम्बा मोटर्सले चैत्र २९ देखि वैशाख ३ सम्म ग्रयाण्ड एक्सचेन्ज मेला सुरु गरेको छ।

भृकुटीमण्डपमा भैरहेको उक्त मेला चैत्र २९ देखि वैशाख ३ गतेसम्म चल्ने कम्पनीले जनाएको छ। यो एक्स्चेन्ज मेलामा ग्राहकले कुनै पनि कम्पनिको मोटरसाइकल वा स्कुटर लिएर गएर त्यसको सट्टामा टिभिएसको नयाँ मोटरसाइकल वा स्कुटर घर लिएर जान सक्ने छन्।

यस एक्सचेन्ज मेला अन्तर्गत ग्राहकले कुनै पनि कम्पनीको पुरानो मोटरसाइकल वा स्कुटरमा बजार मूल्य भन्दा थप १० हजारसम्म मुल्याङ्कन पाउने छन् भने नयाँ सवारी खरिदमा किनु अगाडी नै दर्ता गरि ५० हजार रुपैयाँसम्मको छुट पाउन सक्ने र किने पश्चात १ लाख सम्म छुट पाउन सक्ने कम्पनीले जनाएको छ ।

यसै गरी ० प्रतिशत व्याज दरको सुविधा र मासिक ५,९९९ इएमाआईमा पनि टिभीएस खरिद गर्न मिल्ने कम्पनीले जनाएको छ। यसको साथ् साथै हरेक टिभीएस मोटरसाइकल वा स्कुटरको खरिदमा मा नि:शुल्क सामान (हेलमेट, बाइक कभर, रेनकोट)पनि पाउन सकिने छ।

जगदम्बा मोटर्स प्रा.लि. नेपालमा टिभिएस टू–ह्वीलर्सको लागि एकमात्र आधिकारिक वितरक हो । नेपालभर !$% भन्दा बढी डिलरहरुको बलियो राष्ट्रव्यापी वितरण सञ्जालका साथ टिभिएसले बजारमा आफ्नो मजबुत पकड राख्न र ग्राहकहरुको मनमस्तिष्कमा स्थान जमाउन सक्षम भएको छ ।

गुणस्तरीय उत्पादनहरु, बिक्री पश्चात्को व्यापक सेवा र देशभरमा जगेडा पार्टपुर्जाहरुको उपलब्धतामार्फत् उपभोक्तालाई दिइएको उच्चतम सन्तुष्टिका कारण आज टिभिएस नेपालको सबैभन्दा ज्यादा रुचाइएको टू–ह्वीलर ब्राण्ड बनेको छ ।