काठमाण्डु – सप्तरंग ३ का कलाकारहरुद्वारा भरतपुरस्थित मालाश्री मोटर्स शोरुममा ‘टीभीएस रेडर’ मोटरसाइकल सार्वजनिक गरिएको छ ।

मंगलबार साँझ शंकर ग्रुप अन्तर्गतको जगदम्बा मोटर्सले आफ्नो एक्स्क्लयूजिव शोरुमबाट यूवा लक्षित १ सय २५ सीसी श्रेणी अन्तर्गत अत्याधुनिक फिचर्स सुसज्जित नयाँ मोटरसाइकल, टीभीएस रेडर सार्वजनिक गरेको हो ।

मंगलबार भएको कार्यक्रममा सप्तरंग ३ का चर्चित हास्य कलाकार सन्दीप छेत्री, राजा राजेन्द्र पोखरेल गायक राम कृष्ण ढकाल, बद्री पङ्गेनी, गायिका मिलन नेवार र अस्मिता अधिकारी को उपस्थितिमा उक्त मोटरसाइकल सार्वजनिक गरिएको हो ।

यूवा लक्षित यस स्पोर्टी मोटरसाइकलमा एलसीडी डिजिटल स्पिडोमिटर, थ्रीभी आईटच स्टार्ट, एनिमलिस्टिक एलईडी हेडल्याम्प जस्ता फस्र्ट–ईन–क्लास फिचर्सका साथै फस्र्ट–ईन–सेग्मेन्ट अन्डर सिट स्टोरेजपनि उपलब्ध गरिएको छ ।