काठमाण्डु– एसीसी यू–१९ महिला एसिया कप क्रिकेटमा नेपालले आज भारतसँग खेल्दैछ। मलेसियाको क्वालालम्पुरस्थित बायुमास ओभलमा नेपाली समयअनुसार खेल बिहान ११:४५ बजेदेखि सुरू हुनेछ।

टेस्ट मान्यता प्रापत पाकिस्तानलाइ हराएर नेपालले सुपर ४ मा स्थान बनाएको भोलीपल्ट भारतसँग प्रतिस्पर्धामा उत्रन लागेको हो।

समूह चरणको आफ्नो पहिलो खेलमा पाकिस्तान यू-१९ लाई ६ विकेटले पराजित गर्दै नेपालले सुपर ४ मा स्थान बनाएको थियो। आज नेपालले समूह बी कै खेलमा भारतसँग प्रतिस्पर्धा गर्नेछ।

त्यसपछि नेपालले सुपर ४ मा समूह ए को शीर्ष २ टोलीसँग खेल्नेछ। सुपर ४ को खेल बिहीबार र शुक्रबार हुनेछ । सुपर ४ को शीर्ष २ टोलीले आइतबार फाइनल खेल्नेछन्।