काठमाडौं– पार्टी एकीकरणको क्रममा रहेका नेकपा एमाले र नेकपा माओवादी केन्द्रले संयुक्त संसदीय दलको बैठक आह्वान गरेका छन्।

संसदीय गतिविधिमा एकरूपता दिनेबारे प्रशिक्षणका लागि उनीहरुले शनिबारका लागि संयुक्त बैठक डाँकेका हुन्।

बैठक नयाँबानेश्वरस्थित संसद भवनमा बस्नेछ।

बैठकमा प्रधानमन्त्री एवं एमाले अध्यक्ष केपी शर्मा ओली र माओवादी केन्द्रका अध्यक्ष पुुष्पकमल दाहाल ‘प्रचण्ड’, पूर्वसभामुख सुवास नेम्वाङले प्रशिक्षण दिनेछन्।
संघीय संसदको बैठक सोमबार बस्दैछ। त्यसअघि नै सांसदहरूलाई प्रशिक्षण दिन लागिएको एमाले कार्यालय सचिव कृष्णगोपाल श्रेष्ठले जानकारी दिए।

एमाले र माओवादीबीच गत फागुन ७ गते पार्टी एकतासम्बन्धी ७ बुँदे आधारपत्रमा हस्ताक्षर भइसकेको छ।