काठमाण्डु-अमेरिकाको लस एन्जलसको जङ्गलमा भीषण आगलागी भइरहेको छ । अधिकारीहरूका अनुसार उक्त आगलागी तीव्र गतिमा फैलँदै गएको छ ।

अमेरिकाको फायर डिपार्टमेन्टका प्रमुख क्रिस्टिन क्रोले ३० हजार मानिहरूलाई त्यहाँबाट निस्कने आदेश दिएको उल्लेख गरेका छन् । उक्त आगलागीमा परी ३० हजार भवनहरू जोखिममा परेका बीबीसीले उल्लेख गरेको छ ।

केही भिडियोहरूमा प्यासिफिक पेलिसाडेस क्षेत्रनजिकै बनेका घरहरू नजिकबाट धुवाँको मुस्लो उठिरहेको देखिन्छ । उक्त क्षेत्रमा बस्ने मानिसहरू भागिरहेका देखिन्छन् ।

क्यालिफोर्नियाका लाखौँ मानिसहरूका लागि पनि चेतावनि जारी गरिएको छ । साथै आगो फैलने खतरा रहेको अधिकारीहरूले बताएका छन् ।