काठमाण्डु- राष्ट्रिय महिला फुटबल प्रतियोगितामा आइतबार नेपाल पुलिस क्लब र रौतहट भिड्नेछन्।

शनिबार भएको उद्‌घाटन खेलमा भरतपुर–२४ ले एन्फा मकवानपुरविरुद्व ५ ० को फराकिलो जित निकालेको थियो।

चितवन जिल्ला फुटबल सङ्घको आयोजना तथा भरतपुर महानगरपालिकाको प्रवर्द्धनमा सुरु भएको प्रतियोगितामा आठ टोली सहभागी छन्।

सेन्ट्रल कलेज मुख्य प्रायोजक रहेको प्रतियोगिताको विजेताले ट्रफीसहित तीन लाख रुपैयाँ तथा उपविजेताले एक लाख ५० हजार रुपैयाँ प्राप्त गर्नेछ। यस्तै सर्वोत्कृष्ट खेलाडीले ४० हजार रुपैयाँ प्राप्त गर्नेछन्।