टेक्सास – संयुक्त उमेर २११ वर्ष भएका टेक्सासका श्रीमान र श्रीमतीले आइतबार आफ्नो ८० औं वैवाहिक एनिभर्सरी मनाएका छन् ।

गिनिज बुक अफ रेकर्डर्का अनुसार १०६ वर्षीय जोन हेन्डरसन र उनकी १०५ वर्षीय श्रीमती चार्लोटे विश्वकै जिवित पाको उमेरका विवाहित जोडी हुन् ।

गत साताको अन्त्यमा उनीहरु बस्ने समुदायले उनीहरुलाई्र यो अद्वितिय कोशेढुंगा पार गरेको अवसर मनाउनका लागि पार्टी दिएका थिए ।

यो ८ दसकको विवाहको अवसरमा उनीहरुका साथी र परिवार लङहर्न रिटायरमेन्ट कम्यूनिटीमा भेला भएर प्रशस्त खानेकुराका साथै उनीहरुको विवाह चित्रित गर्ने फोटोहरुको स्लाइड शो प्रस्तुत गरेका थिए ।

तर उक्त समारोहा उनीहरुको छोराछोरी, नाती–नातिना र पनाती पनातीनाको भने उपस्थिति थिएन । उनीहरुको जीवनम सन्ताननै नभएका कारण पार्टि मनाउनका लागि कोही पनि नभएका हुन् ।

तनावमुक्त बाल बच्चा विहित उनीहरुको जीवनको लामो आयुको कारण हुन सक्ने पनि बताइएको छ ।